അടിസ്ഥാന ശുചിത്വം പാലിക്കേണ്ടത് പ്രധാനമാണെന്ന് കരുതുന്നവർ പോലും ലാപ്ടോപ്പ്, സ്മാർട്ട്ഫോണുകൾ, മറ്റ് ആക്സസറികൾ എന്നിവ പോലുള്ള ദിവസവും ഉപയോഗിക്കുന്ന ഡിവൈസുകളെ വൃത്തിയാക്കുന്നതിൽ ഉൾപ്പെടുത്തുന്നില്ല. സ്മാർട്ട്ഫോൺ, ലാപ്ടോപ്പ് സ്ക്രീനുകളിൽ ബാക്ടീരിയകളും വൈറസുകളും വളരുന്നു എന്നതാണ് വസ്തുത. വൈറസുകൾ നിങ്ങൾ ഉപയോഗിക്കുന്ന ഡിവൈസുകളിൽ നിന്ന് കൈകളിലേക്ക് എത്താൻ സാധ്യതയുണ്ട്. ഇത് തടയാനുള്ള വഴികൾ എന്തൊക്കെയാണെന്ന് നോക്കാം.
നിങ്ങളുടെ ഡിവൈസുകൾ വൃത്തിയാക്കുക
നിങ്ങളുടെ ഗാഡ്ജെറ്റുകൾ, പ്രത്യേകിച്ച് സ്മാർട്ട്ഫോണുകൾ, ലാപ്ടോപ്പുകൾ എന്നിവ പോലുള്ള ദൈനംദിന ഡ്രൈവറുകൾ വൃത്തിയാക്കേണ്ടത് വളരെ പ്രധാനമാണ്. നിങ്ങളുടെ ഉപകരണങ്ങൾ വൃത്തിയാക്കാൻ കുറഞ്ഞത് 60% ആൽക്കഹോൾ അല്ലെങ്കിൽ സോപ്പും വെള്ളവും ഉള്ള ഒരു ഹാൻഡ് സാനിറ്റൈസർ എന്നിവ ഉപയോഗിക്കാവുന്നതാണ്. നിങ്ങൾ ക്ലീൻ ചെയ്യാൻ പോകുന്ന ഉപകരണം വാട്ടർ റസിസ്റ്റന്റിന് ഐപി സർട്ടിഫൈഡ് ആണെന്ന് ഉറപ്പാക്കുക. അങ്ങനെയുള്ള ഡിവൈസുകളല്ലെങ്കിൽ തുണി അല്ലെങ്കിൽ ടിഷ്യുകൾ ഉപയോഗിച്ച് നിങ്ങൾക്ക് ഇത് വൃത്തിയാക്കാം.
ഇയർഫോണുകൾ ഉപയോഗിച്ച് കോളുകൾ എടുക്കുക
നിങ്ങളുടെ ഫോണിലേക്ക് വരുന്ന കോളുകൾ നേരിട്ട് ചെവിയിലേക്ക് വയ്ക്കുന്നതിന് പകരം ഇയർഫോണുകൾ അല്ലെങ്കിൽ ഹെഡ്ഫോണുകൾ ഉപയോഗിക്കുന്നത് നല്ലതാണ്. കാരണം ഇത് ഡിസ്പ്ലേയിൽ നിന്ന് നിങ്ങളുടെ മുഖത്തേക്ക് വൈറസ് പകരുന്നതിനുള്ള സാധ്യത കുറയ്ക്കും. ഇങ്ങനെയുള്ള അവസരങ്ങളിൽ ഇടയ്ക്കിടെ ഹെഡ്ഫോണുകളോ ഇയർഫോണുകളോ വൃത്തിയാക്കാൻ ഓർമ്മിക്കുക. ഇതിനായി ഹാൻഡ് സാനിറ്റൈസർ ഉപയോഗിക്കാം.
വോയ്സ് കമാൻഡുകൾ ഉപയോഗിക്കാം
വിവിധ പ്രവർത്തനങ്ങൾ നടത്താൻ നിങ്ങളുടെ ഫോണിൽ ടച്ച് ചെയ്യുന്നതിന് പകരം നിങ്ങൾക്ക് വോയ്സ് കമാൻഡുകളെ ആശ്രയിക്കാനാകും. ഇത് നിങ്ങൾക്ക് ആവശ്യമുള്ള കാര്യങ്ങൾ ഹാൻഡ്സ് ഫ്രീ രീതിയിൽ നടപ്പിലാക്കും. ഗൂഗിൾ അസിസ്റ്റന്റ്, സിരി പോലുള്ള വോയ്സ് അസിസ്റ്റന്റുകളിലൂടെ നിങ്ങൾ ഫോണിൽ പല കാര്യങ്ങളും ചെയ്യാൻ സാധിക്കും. ഇത് പകർച്ചവ്യാധികൾ തടയുന്നതിന് ഏറെ സഹായകമാവും.
ഡിവൈസുകൾ കൈമാറരുത്
മറ്റുള്ളവരുടെ സ്മാർട്ട്ഫോണുകളും ലാപ്ടോപ്പുകളും ഉപയോഗിക്കുന്നതും നിങ്ങളുടെ ഡിവൈസുകൾ മറ്റുള്ളവർക്ക് നൽകുന്നതും അപകടസാധ്യത വർദ്ധിപ്പിക്കുമെന്നതിനാൽ ഇത് ഒഴിവാക്കുന്നതാണ് നല്ലത്. ഡിവൈസുകൾ ഷെയർ ചെയ്യാൻ നിങ്ങൾ ആഗ്രഹിക്കുന്നുവെങ്കിൽ, ഉപയോഗിച്ചതിന് ശേഷം നിങ്ങൾ ഡിവൈസ് വൃത്തിയാക്കുകയും കൈ നന്നായി കഴുകുകയും വേണം.
Post a Comment